दापोली अर्बन बॅंक सिनीयर सायन्स कॉलेजमध्ये ‘ ग्लिंप्स थ्रू हिज लेन्स – फोटोग्राफी कार्यशाळा ‘ संपन्न

विद्यार्थ्यांच्या सुप्त कलागुणांना वाव मिळावा यासाठी दापोली एज्युकेशन सोसायटी संचालित,  दापोली अर्बन बॅंक सिनीयर सायन्स कॉलेज नेहमीच विविध उपक्रमांचे आयोजन करीत असते.
यंदा २१ ऑगस्ट २०२१ रोजी महाविद्यालयातील सांस्कृतिक विभाग आणि IQAC यांच्या संयुक्त विद्यमाने  ‘ ग्लिंप्स थ्रू हिज लेन्स – ही ऑनलाईन फोटोग्राफी कार्यशाळा ‘  घेण्यात आली.
या कार्यशाळेमध्ये विद्यार्थ्यांना वन्यजीवन छायाचित्रकार ॲड. किशोर घुमास्ते यांचे मोलाचे मार्गदर्शक लाभले.

सदर कार्यशाळेमध्ये छायाचित्रकार ॲड. किशोर घुमास्ते यांनी आपल्या फोटोग्राफीचा खजिना सर्वांसाठी खुला करीत विविध फोटो दाखवुन निसर्ग, नृत्य , पुरातन मंदिरे इ. स्थळांचे आकर्षक फोटो कसे काढावेत, याबद्दल विद्यार्थ्यांशी संवाद साधला.
तसेच आपला स्वानुभव कथन करीत फोटोग्राफी कशी करावी , कॅमेरा कसा हाताळावा, कॅमेरातील विविध बारकावे; याबाबत उत्तम मार्गदर्शन केले.

या कार्यशाळेमध्ये विद्यार्थ्यांबरोबरच प्राध्यापकांनीही उत्सफुर्तपणे आपला सहभाग दर्शविला असुन कॉलेजचे प्राचार्य डॉ. संदेश जगदाळे व महाविद्यालयातील अभ्यासेतर उपक्रम समितीचे समन्वयक प्रा. संतोष मराठे यांचीही याप्रसंगी उपस्थिती लाभली.

या कार्यशाळेचे सुत्रसंचालन आणि उपस्थितांचे आभारप्रदर्शन कॉलेजच्या सांस्कृतिक उपक्रमाच्या संयोजक प्रा. प्रियांका साळवी यांनी केले.

सदर कार्यशाळा यशस्वीरित्या पार पडावी यासाठी कॉलेजच्या सांस्कृतिक समितीचे सदस्य प्रा. अजिंक्य मुलुख, प्रा. विश्वेष जोशी, प्रा . ऋजुता जोशी, प्रा. प्रिया करमरकर ,  प्रा. श्रुती आवळे यांचे मोलाचे सहकार्य लाभले